طبعا انا في البداية برحب بكل زوار الموضوع المتوااضع جدا جدا جدا ده الي عارف ان ممكن اي حد يكون عارف الحجات
الي بتكلم فيها ديه بس ممكن نسبه قليله تكون مش عارفه بس اهه انا بكتب ووالله انا عملت قبل كده موضوع مخدتش كمية
ردود زي الموضوع ده بجد الناس في منتها الزوقيه بجد والله وجزااكم الله جميعا كل خير
نخش بقه علي الموضوع الجدي وبعنواان معلومات وملاحظات يجب التعرف عليها في الجيم(صالة الحديد) :-
طبعا في حجات في اللعبه ديه لازم يكون يعرفها بالزات داخل صالة الحديد علي شان يفادي نفسه مشااكل كتير اوي مع اللعبين
وبالزات القدام داخل اي صاله ومن الملاحظات ديه فيه حجات كتير اوي هيه:
1-مشاهدة اللعب وهوه بيتمرن في الصاله (اللاعب القديم في اللعبه ديه يعني).......
والتركيز بالنظر معااه:
ومعنى الكلام ده انك مثلا انهرده اول يوم عندك في الصاله وداخل بقه وبتشوف الابطال وهمه بيتمرنه وطبعا انته بتبص علي الناس وهيه بتلعب تلاقي واحد ما شاء الله بيلعب بنش سيبك
من الوزن الي حطه لا البنش نفسع ما شاء الله جميل جدا وملفت وبيلعب صح والعضله بتتحرك وانته تتابع معاه التمرين
ويلاحظ انك بتبص عليه ممكن لا قدر الله لو حصل ليه اي وجع مش هقولك مزق وجع بسيط هيقول انته الي حسدته والله زي
ما بقولك كده ده الي بيحصل في معظم لالالا ده في كل الصالات كده ويوقلك بعد كده بقه في وشك علي فكره يانجم انته عينك
وحشه ويطلع عليك سمعة الحسد في الصاله وممكن تخليك متلعبش اللعبه ديه تااني
2-التعديل علي اللاعبين المبتدئين في التمارين:-
بمعنى انك لسه مبتدئ بقالك مثلا 3 ايام وعرفت شوة تمارين بالشكل يعني بس الاداء لسه ضعيف وييجي واحد لسه اوي يوم تمرين ليه وبيلعب تبدأ انك تعدل علي تمارينه وانته لسه من يومين كان الناس القدام بيعدلوا عليك تيجي انته وانته لسه باادئ تعدل علي الناس هيبقه شكلك بجد مش حلو قدام اللاعبين القدام وهيقولك ده لسه مطلعش من البيضه وعاملي مدرب (شكلها وحش فعلا ههههههههه)3
3-لو اتطلب منك مساعده من لاعب قديم :-
ديه نقطه خد باالك منها جدا في بداية اللعبه ديه يعن لو حد قالك تعالى ياكوتش
سااعد بس الدور ده معاايه وانته مش عارف اصول المساعده وفاكر انك هتخدمه لمه تروح معااه طبعا ده قمة الغلط ولو
مساعدتش كويس وصح ممكن لاقدر الله يحصله اي مزق وطبعا هتبقه وحشه جدا في حقك انته
طبعا مشااكل البدااية كتير جدا وديه حجات هتكتسبها مع الوقت وهتتعلم متقعش فيها بس انا اتلكمت علي اهم اهم 3 حجات
تعرفهم بسرعه علي شان دول مشااكلهم صعبه جدا جدا مع اللعب في البدايه في اللعبه ديه
طيب هتقولي واعلج المشااكل ده او ابعد نفسي عنها ازاي ؟؟؟؟؟؟؟؟؟؟؟؟؟؟؟
اقولك في البدايه انته علي شان توصل للفرمه الي انته عاوزها هتتعب جدا مش في شيل الحديد لا في اللعبه نفسه وفي الصاله
وجوها واللاعبين الي فيها هتتعب بجد لغاية ما تسبت نفسك وتعمل وضع وصحبه هناك بس ده مش في كل الصالات يعني
فيه صالات كويسه والناس الي فيها كويسين المهم نكمل
طبعا حكاية انك تركز مع اللاعب وهوه بيلعب ديه ملهااش علاج سوى انك لو لقيت حد بيلعب وانته عينك بالصدفه وقعت
عليه كل الي هتقوله عاااش ياكوتش الله اكبر وتسيبه وتمشي ومتركزش معااه خااالص هيه كلمة عاش الله اكبر ياكوتش وبس
وخلاص متحولش انك تكتر معاه وهوه بيتمرن ولو عايز اي حاجه منه استنه لمه ينهي التمرينه واسأله برحتك
تاني حاجه انك تعدل علي حد انته اه انا عارف عايز تعمل حاجه كويسه مش قصدك انك تترسم علي اللاعب الجديد بس ممكن
انك تقوله ياكوتش اسال الكابتن او تشوف حد من القدام والناس الي كويسين في اللعبه ديه وتقوله روح اسأل الكابتن ده وهوه
هيفيدك وتطلع نفسك خالص انته من القصه ديه لان ممكن تكون انته اصلا عندك التمرينه ديه بتلعبها بطريقه غلط شويه وانته
تنصحه غلط ييجي واحد يعدل عليك وانته بتعدل عليه هيبقه شكلك مش حلو خااالص قدام الناس المهم التزم زي ما انا قولتلك
كده وربنا هيعديها بازن الله
تالت حاجه المسااعده طبعا انته لسه مبتدأ يعني المسااعده ديه بالزات ليها الناس المتخصصين فيها مش اي حد لانك ممكن
وانته بتسااعد تمزق اللاعب وانته مش واخد بالك خالص وديه بتبقه مشكله فأنته تبعد نفسك خاالص من المشكله ديه يعني الي
يسألك قله انا مش عارف اساعد والله ما عيب كويس جدا علي فكره وهوه هيحترمك لانك قولتله الحقيقه وانته كده حميته
وحميت نفسك وبعدت عن المشاكل ديه خااالص وحاول انك تخلي فيه روح الهزار والدعاابه بينك وبين الناس الي بتتمرن
معاك وتعمل لنفسك صحبه داخل الصاله وتتعرف علي ناس تتمرن معاهم هتلاقي نفسك حبيت الصاله وحبيت اللعبه وطبعا
الي بيحب مجال مليون في الميه بينجح فيه وربنا بيوفقه فيه....... اتمنى اكون افدت ويارب الكل يوفق في اللعبه ديه وشكر ا ليكم ياابطال وربنا يوفققم
منقوووووووووووووووووووووول
الرئيسية 
موضوع: اساسيات للتعامل داخل الصالة .مهم للمبتدئين . 
الجمعة فبراير 04, 2011 11:05 am
